ជីវិតសំណើច

ដេកថ្ងៃ

អ្នកជំងឺម្នាក់បានត្អូញត្អែរៈ
អ្នកជំងឺ៖ ខ្ញុំមិនដឹងមានជំងឺអីទេលោកវេជ្ជបណ្ឌិតពេលថ្ងៃដេកដូចជ្រូក តែយប់ឡើងខ្ញុំដេកពុំ
លក់សោះ សូម្បីតែមួយស្រឡេត។
វេជ្ជបណ្ឌិត៖ លោកវេជ្ជបណ្ឌិតនឹកសើចៈ
                   - រោគនេះស្រួលព្យាបាលទេតើ!                   
                   -ធ្វើម៉េចទៅលោកវេជ្ជបណ្ឌិត?
                  - យកការងារដែលត្រូវធ្វើពេលថ្ងៃ ទៅធ្វើពេលយប់វិញទៅទុកពេលថ្ងៃដេក។

ឈ្លើយគួរសម

ដោយត្រូវហោះហើរឆ្លងទ្វីប រីឯផ្លូវត្រូវធ្វើដំណើរមានរយះពេលវែងឆ្ងាយ   ដូច្នេះអ្នកដំណើរ
ដែលជិះនៅក្នុងយន្តហោះទាំងអស់ត្រូវទទួលទានអាហារល្ងាចលើយន្តហោះតែម្តង។ភ្លាម
នោះនារីបំរើលើយន្តហោះ បានដើរទៅរកភ្ញៀវកំលោះសង្ហាម្នាក់។
 នារី ៖ តើលោកត្រូវការហូបអាហារពេលល្ងាចដែររឺទេ?
កំលោះ ៖ មានជំរើសរឺអត់?
នារី       ៖ ចាស មាន..!
កំលោះ ៖ ស្អីខ្លះ..!??
នារី       ៖ ជំរើសនោះ គឺហូប រឺអត់ហូប..!
កំលោះ ៖ ........!!??

Sherlock Holmes និង Dr Watson

លោក Sherlock Holmes និងបណ្ឌិត Dr Watson នាំគ្នាទៅបោះតង់ដើម្បីសំរាកកំសាន្តនៅ
ខាងក្រៅ។  ពួកបោះតង់នៅកណ្តាលវាល ក្រោមហ្វូងតារាពេញមេឃ រួចក៏លង់លក់ក្នុងតង់
នោះទាំងពីរនាក់។ យប់កណ្តាលអាធាត្រលោក Sherlock Holmes បានដាស់លោកបណ្ឌិត
Dr Watson រួចសួរថា៖
Holmes​ ៖ Watson ឯងសាកចោលភ្នែកមើលមេឃទៅមើល៍ តើឃើញស្អីខ្លះ?
Watson ៖ ខ្ញុំឃើញផ្កាយរាប់លានដួង
Holmes​ ៖ ហើយឯងយល់យ៉ាងម៉េចដែលពេលឃើញហ្វូងផ្កាយអញ្ចឹង?
Watson ៖ ប្រសិនបើផ្កាយមានច្រើនលានដួងដូច្នេះ  បានន័យថាក្នុងចំណោមនោះប្រហែល
ជាមានភពមួយចំនួនដូចភពផែនដីយើងដែរ។ បើមានភពផែនដីយើងដូច្នេះមែនគឺបានន័យ
ថាប្រហែលនៅភពទាំងនោះក៏អាចមានជីវិតរស់នៅដូចយើងដែរ។
Holmes​ ៖ Watson ឯងនេះចោលម្សៀតមែន!មើលឃើញផ្កាយពេញផ្ទៃមេឃអញ្ចឹងបានន័យ
ថាចោរវាលួច ភើចយកតង់យើងទៅបាត់ហើយ...!
Watson ៖ អើមែន...!

ពន្លត់ភ្លើង

បន្ទាប់ពីទទួលដំណឹងថាមានអគ្គិភ័យកើតឡើង ភ្នាក់ងារពន្លត់អគ្គិភ័យបានប្រញាប់ប្រញាល់
ចេញរថយន្តយ៉ាងលឿនឆ្ពោះទៅកាន់កន្លែងកើតហេតុ      ដើម្បីជួយសង្រ្គោះប្រជាពលរដ្ឋឱ្យ
ជៀសផុតពីគ្រោះមហន្តរាយ ប៉ុន្តែពេលដែលទៅដល់កន្លែងដែលគេរាយការណ៍ប្រាប់ភ្នាក់ងារ
ពន្លត់អគ្គិភ័យពុំមានឃើញអគ្គិភ័យកើតឡើងនោះទេ ដោយឃើញដូចនោះភ្នាក់ងារអគ្គិភ័យ
មានការខឹងសប្បាជាខ្លាំង ហើយក៏ស្រែកសួរថា ៖
ភ្នាក់ងារ ៖ តើនរណាទូរស័ព្ទហៅឡានទឹក?
នារីម្នាក់បានឆ្លើយថាៈ
នារី         ៖ ចាស! គឺខ្ញុំ
ភ្នាក់ងារ ៖ ឯណា! អត់ឃើញភ្លើងឆេះអញ្ចឹង?
នារី        ៖ ចាស! លោកជួយពន្លត់ភ្លើងតណ្ហាបុរសនេះផង ដេញតាមខ្ញុំច្រើនដងមកហើយ
ភ្នាក់ងារ ៖ !!!!!?????

ឆ្កែបបួលទៅវត្ត

ប្រពន្ធពូខូចឆ្លៀតបោកខោអាវដែលពាក់ទៅវត្ត ពេលគាត់លូកហោប៉ៅអាវស្រាប់តែឃើញ
ក្រដាសតូចមួយសន្លឹកសរសេថា ( ណារី ) ពេលនោះគាត់ក៏ច្រលោតតូង ទាញបានវែកឆា
ដើរតម្រង់ទៅពូខូច ស្រាប់តែលឺសំលេងវែកឆាវាយត្រូវក្បាលមនុស្សៈ
ប្រពន្ធ ៖ ខ្ញុំឃើញក្រដាសតូចមួយសន្លឹកក្នុងក្រប៉ៅបងឯងសរសេរថា ណារី តើនាងគឺជា
នរណា ហើយត្រូវម៉េចនឹងបងឯង?
ពូខូច ៖ អូនឯងប្រញាប់តែខឹង! អូនមានចាំទេ កាលពីព្រឹកមិញក្រែងយើងទៅផ្ទះបងអូន
ឯងហ្នី! បងបានឃើញកូចឆ្កែមួយក្បាលស្អាតគួរឱ្យស្រលាញ់ ប្រុងសុំគាត់យកមកចិញ្ចឹម
ហើយបងដាក់ឈ្មោះវាថា ណារី
ប្រពន្ធ ៖ អញ្ចឹងមែនឬ? អូនជឿបងឯងសិនចុះ !
ស្រាប់តែព្រឹកឡើងពូខូចមិនទាន់ភ្ញាក់ពីដេកផង!
ពូខូច ៖ មានរឿងអីទៀតហើយ? បានជាបើកភ្នែកមិនទាន់ត្រូវមួយវែកទាំងព្រឹកអញ្ចឹង?
ប្រពន្ធ ៖ ឆ្កែបងឯងតេមកសួរថាព្រឹកហ្នឹងគិតនាំវាទៅវត្តណា?